Вести Македонија Топ вести

Локално население, грчки канадери, пожарникари и војници од АРМ го гаснеа пожарот во селото Николиќ

Десетици мажи од Николиќ цел ден се бореа со огнот кој се закануваше да им ги зафати куќите. Локалното население, рамо до рамо со пожарникарите и војниците, учествуваше во гаснењето на пламените јазици кои буквално трет ден беснеат околу селото. Откако доцна попладнево ветрот го промени правецот, пожарот кај Дојранско го заобиколи селото Николиќ и ги зафати ридовите. Видно возбудени, седеа пред продавницата во селото и раскажуваа како се организирале.

Градоначалникот Ангов вели дека најголема работа завршиле двата канадера од соседна Грција, со кои огнот за брзо се ставил под контрола.

Во огнот гореше најмногу нискостеблеста шума и сува вегетација, но зафатени се и овоштарници и помошни простории.

Денеска кај Дојран гасеа стотици пожарникари, вработени во Национални шуми, противпожарните единици од цел регион, но и војници од АРМ.

Сузана Мицева

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

„Меѓаши“ го осудува насилството врз врзаното девојче од струмичко Ново Село

Дејан Дејан

Репортажа на Телма: Црни полиња и пепел по вчерашниот пожар кај Блаце

Дејан Дејан

Се очекуваат и до 10 милијарди евра – Европа најави Фонд за обнова на Украина, Зеленски бара „Маршалов план“

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе