Во раните утрински часови низ скопските улици осамнаа транспаренти со пораки во знак за 100-тиот ден од трагедијата во Кочани.
„Молчевме,жалевме, марширавме и говоревме“ напишаа „Кој е следен?“ на социјалните мрежи и споделија слики од транспарентите со моќни пораки кои се испратени од незадоволните во анкетата која ја спроведе иницијативата во текот на викендот.
„Денес, сите заедно на системот му испративме вкупно 100 пораки од 100 различни гласа кои го артикулираат она што сите го мислиме и чувствуваме. Овие 100 крика за подобар систем не се само минливи желби и фантазии, ниту реторички прашања, туку критики за овој систем што нè убива. Наведнатата глава не ни помага – сабјата упорно нè сече. Затоа, мораме да ги дигнеме главите – и да ги здружиме – и заедно да смислиме подобар систем кој ќе го брани животот, а не профитот. Кочани, најдлабоко ти се извинуваме што дозволивме ова да ти се случи за да ни ги отвори очите. Но, сега нема назад. Веќе не молчиме. Не простуваме. Не забораваме.Правда мора да има“ порачаа од „Кој е следен?“
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.