Вести Свет

Иран со предупредување до новата американска администрација: „Не правете грешки“

Пред инаугурацијата на Доналд Трамп за американски претседател закажана за 20 јануари, Иран ја предупреди новата администрација во Вашингтон на стратешки погрешни пресметки и се закани со продолжен воен конфликт.

-Бидете внимателни, не правете стратешки грешки или погрешни пресметки, рече Хусеин Салами, врховен командант на Корпусот на Исламската револуционерна гарда (ИРГЦ), без директно да го именува Трамп.

Според Салами, „непријателот“ можеби верува дека Иран е ослабен, но тоа не е така.

Новиот пратеник на новоизбраниот американски претседател Доналд Трамп за Украина, Кит Келог, на собирот на иранската опозиција во Париз вчера изјави дека светот мора да се врати на политиката на „максимален притисок“ против Иран за да го претвори во подемократска земја. .

Салами истакна дека земјата е воено модерна и подготвена за, како што рече, „големи и долготрајни битки против непријателот и неговите сојузници во регионот“, пренесоа иранските медиуми.

И покрај овие изјави, експертите сметаат дека Иран е во ослабена позиција. По случувањата во Либан и смената на власта во Сирија, оваа земја страда од значителни политички и економски проблеми.

Недостигот на енергија и акутното загадување на воздухот ја принудија владата да ги затвори училиштата, универзитетите, банките и јавните институции во последните недели.

Експертите стравуваат дека ситуацијата може да стане уште покритична откако Трамп ќе ја преземе функцијата. Некои дури веруваат дека е можен воен напад на Израел врз Иран.

Со цел да се спречи паника меѓу населението, Иран јавно го нагласува подобрувањето на својата воена логистика за да го задржи својот имиџ на моќ во регионот.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Градоначалникот на Чучер Сандево за Телма тврди: состојбата со пожарот во општината е алармантна

Дејан Дејан

Топ Тема: ВМРО-ДПМНЕ и СДСМ разменуваат обвинувања за политиканство и негрижа за настраданите во пожарот во Кочани

Дејан Дејан

Рускиот министер за транспорт пронајден мртов во својот автомобил откако беше разрешен од Путин – се тврди дека извршил самоубиство

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе