Вести Свет Топ вести

Русија го изврши трет напад со балистички ракети врз Киев за еден месец

Русија го подложи украинскиот главен град Киев на трет напад со балистички ракети овој месец, според прелиминарните податоци дека сите проектили биле уништени кога се приближиле до градот, соопшти воената администрација на украинската престолнина, цитирана украинските медиуми.

-Ова е веќе трет балистички напад врз главниот град во август, со интервал од точно шест дена помеѓу секој напад, изјави на Телеграм, Серхи Попко, шеф на воената администрација во Киев. „Според прелиминарните информации, Русите повторно, трет пат по ред, најверојатно користеле севернокорејски балистички ракети“.

Се известува и дека нападот бил речиси идентичен со претходните, забележуваат украинските медиуми.

Попко додаде дека украинските единици за воздушна одбрана уништиле и неколку беспилотни летала лансирани од Русија. Засега не се разјаснети размерите на нападот, според Попко, нема извештаи за жртви или материјална штета.

-Околу два часа по првичниот напад, Киев, неговата околина и поголемиот дел од централна и североисточна Украина повторно беа во состојба на готовност, со извештаи за повеќе проектили насочени кон градот, соопшти украинското воздухопловство.

Истовремено, остатоци од уништено украинско беспилотно летало запалиле дизел гориво во индустриски склад во руската област Ростов, изјави на Телеграм гувернерот на југозападната руска област, Василиј Голубев.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Пожари во Чучер Сандево, Прилеп, Македонски брод, Дојран, Крива Палнка и Чашка

Дејан Дејан

Зачуван статусот на Охридското Езеро како светско природно и културно наследство

Дејан Дејан

По пожарите: Полицајци, пожарникари и возач на итна медицинска помош биле хоспитализирани на Токсикологија

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе