Одземени два телефони на вработено лице во Академијата за судии и јавни обвинители при вчерашниот полициски претрес, имало индикативна комуникација во мобилниот на притворениот врховен судија Наќе Ѓеоргиев.
Истражителите дошле до сознанија дека ова вработено лице е поврзано со уапсениот врховен судија, кој е во притвор за земање мито за влијание врз судии за да помогне во постапка за обвинет.
Истражителите сепак не се интересирале само за телефоните на вработениот, туку вршеле преглед и врз документацијата за седмата, осмата и деветтата генерациија на слушатели чие школување е во тек.
Неофицијално се истражуваат и анонимни пријави за земање мито за упис на кандидати за слушатели за судии и обвинители.
Истражните органи се интересирале и за системот за тестирање ИНВОКА на Драги Рашковски, за кој по неговото апсење Академијата за судии експресно го раскина договорот со фирмата, па оттаму истражителите биле упатени дека тој е запленет во доказните материјали кои се наоѓаат во судот, во предметот „Рашковски“.