Унгарија, во својство на актуелен претседавач со Европската унија (ЕУ), најави дека за 28 и 29 август планира одржување на Самит за надворешни работи во Будимпешта, но во истиот период ќе биде закажано и заседание на Советот за надворешни работи на Унијата, тврди бриселскиот портал „Политико“, повикувајќи се на дипломатски извори.
Според порталот, со ваквиот потег за „бојкот“ на Самитот во Будимпешта, министрите за надворешни работи на земјите членки на Европската Унија сакаат „да ја омаловажат Унгарија“. Дипломатските извори посочуваат дека најавениот Самит е оценет како одлична можност за унгарскиот премиер Виктор Орбан „да се обиде да ја обликува надворешната политика на ЕУ“ и да му овозможи на шефот на унгарската дипломатија Петер Сијарто да „биде во центар на вниманието“.
Тензиите поврзани со надворешната политика меѓу институциите на ЕУ и Орбан ескалираа по неговите самопрогласени „мировни посети“ на Москва и Пекинг, без координација со лидерите на Унијата.