Вести Македонија Топ вести

Матурантите со просечна оценка 3,25

Просечната оценка која ја постигнаа средношколците на државната матура годинава е 3,25 и споредбено со минатите години, бележи намалување кое, според Државниот испитен центар е резултат на заострените мерки при полагањето кои овој пат беа преземени.

Откриени се 49 ученици кои за време на решавањето на тестовите користеле мобилен телефон, додека 4 ученици се фатени како препишуваат решенија по претходно добиени одговори на поставените прашања.

При оценувањето на тестовите, оценувачите детектирале 175 ученици кои препишувале на тестовите, како и 22 плагијати.

„Имаме ситуација во која што во 54 училишта во кои оваа мерка за поништување на успехот, на испитот е применета е изречена на некои ученици од 54 училишта. Со тоа што од тие 268 мерки, дури 32 се изречени во едно училиште, во текот на оценувањето, а тоа е СЕПУГС „Арсени Јовков“ – Скопје. Исто така, овие десет училишта се училишта во кои има најмногу изречени мерки, значи 53% од мерките, односно 142 се изречени во 10 од 127 училишта“, изјави Биљана Михајловска, директорка на Државен испитен центар.

На 268 ученици на кои им е изречена мерката поништување на испитот, ќе можат повторно да полагаат во августовскиот испитен рок.

„Ќе се повикаме и на одредби во законот, но ќе се повикаме на морал и етичност како на наставниците, така и на втората значајна точка“, изјави Весна Јаневска, министерка за образование и наука.

МОН ќе почне преговори со универзитетите за ослободување на поголеми простори и амфитеатри, за од следната година, таму да може да се спроведува државната матура, при што ќе се инсистира истите да имаат и блокатори за телефони за матурантите да не ги користат мобилните апликации.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Девојчето од Ново Село е сместено во згрижувачко семејство, струмичкото обвинителство отвори истрага против таткото

Дејан Дејан

Во напад во Газа убиени осум деца и две жени кои во ред чекале за храна – Израел се правда дека таргетирале припадник на Хамас

Дејан Дејан

По изјавата на Георгиев, МНРНТ му пренесе официјален протест на бугарскиот амбасадор во Скопје

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе