Домашен притвор доби таткото што натпадна соученик на неговиот син и наставничка во Битола, откако обвинителствотo поведе постапка за мажот и жената осомничени дека извршиле грубо насилство врз малолетник роден 2009-та година.
Двајцата сопружници, на 15 мај, влегле во основно училиште во Битола, при што таткото физички ја оттурнал наставничката и директно нападнал еден од учениците, соученик на нивното дете, заканувајќи му се дека ќе го убие. Го фатил детето за уво, го стапнал на ногата и го тегнел, а за тоа време неговата сопруга ја држела наставничката за да не може да му помогне и да го одбрани ученикот, информирааа од обивнителството.
Откако си заминале насилните родители, другите деца од страв барале од наставничката да ги заклучи во училницата за да не се вратат. Ова, според обвинитеството, покажува дека двајцата осомничени предизвикале чувство на несигурност и вознемиреност кај другите ученици.