Врнежите од дожд го зголемија нивото на брана Калиманци, од која се наводнуваат нивите во целиот Брегалнички регион. Нема опасност од нејзино излевање, акумулирани се 109 милиони кубни метри вода.
Според првиот човек на Водостопанство „Брегалница“ – Кочани, Благојчо Богатинов ова значи дека нема да се повтори минатогодишниот проблем на земјоделците со сувите ниви во Овчеполскиот регион.
Оризопроизводителите пак од кочанскиот регион се жалат дека дел од каналите за наводнување се неисчистени, има и искршени каналетки, па поради тоа водата честопати не завршува во нивите.
Во кочанскиот регион од вчера нивите под ориз почнаа да се полнат со вода од акумулацијата Калиманци.Годишниот план под ориз е да бидат посеани околу 3.700 хектари.
Викторија Јованова Димитровска