Македонските граѓани треба да имаат плата за живот од 72.300 денари, покажаа калкулациите кои ги прават невладините низ Европа, а во кои е вклучен и Гласен Текстилец. Кристина Ампева вели дека треба да се зборува за плата за живот, а не за минималец, за да има социјална правда и доволно средства за егзистенција на работниците и нивните семејства.
Во пресметките за плата за нормален живот освен стандардните параметри здравство, култура, образование, комунални услуги, се калкулираат и трошоците што едно четиричлено семејство ќе ги има за еднаш во годината да си дозволи еднонеделен одмор.
Пресметката покажува дека минималната плата покрива само 29% од трошоците за живот. Според ова Ампева вели дека просечната плата не ја отсликува реалната состојба, зашто тоа е пресек од највисоки и најниските примања.
Најблиску до плата за живот се Турција и Полска, а зад нас се Бугарија и Албанија каде минималната плата покрива одвај 20% од месечните трошоци.
Викторија Димитрова Јованова