Не знам зошто имаше потреба да дава такви изјави, со навреди кон мене и госпоѓата Ванковска. Очигледно брзал да ги собере потписите за да дава такви небулозни изјави, гласеше одговорот на Стевчо Јакимовски, во вечерашното интервју во „Топ тема“ на ТВ Телма, за отворената војна со лидерот на ВМРО-ДПМНЕ, Христијан Мицкоски, особено по собирањето на граѓанските потписи на претседателските кандидати.
„Изјави карактеристични за лузер, за губитник, кој што си бара алиби доколку ги изгуби изборите. Еве јас имам отворено прашање. Во 2019 година, кој и сметаше на госпоѓата Силјановска да победи на претседателските избори кои што се случија веднаш по промената на уставното име и потпишувањето на Договорот за добрососедство со Бугарија? – Подобро време за победа на опозицијата здравје. Тогаш дури имаше поддршка од мене и мојата партија“, изјави Јакимовски.