Членот на ДИК од СДСМ, Борис Кондарко, Членот на комисијата за Антикорупција на ВМРО ДПМНЕ, Кирил Ковчегарски, како и братот на аналитичарот Сашо Клековски, кој е во извршниот одбор на истата партија, Владимир Клековски, беа меѓу денешните кандидати за новиот состав на Антикорупциската комисија, кои одговараа на прашања во Собранието.Не ја кријат партиската припадност, но законот им дозволува да се кандидираат доколку 10 години не биле во партиски органи. Тврдат дека сите се професионалци во својата работа и нема да бидат пристрасни доколку бидат избрани.
И Клековски, кој беше кандидат и за претходниот состав и беше високо рангиран, не смета дека функцијата на брат му во опозициската партија треба да биде пречка за тој да стане антикорупционер.
Во излагањата, сите кандидати денеска рекоа дека јавните набавки се најголемиот извор на корупција, но најголемиот проблем е сепак, неказнивоста, односно состојбата во судовите.
Интервјуата со кандидатите за новиот состав на Антикорупциската комисија продолжуваат и утре.
Далиборка Демјанска Цветановска