Градоначалникот на Тетово најавува засилени инспекциски контроли за проценка на ризикот од пожари во сите индустриски капацитети како и промени во ингеренциите на одделни институции кои даваат дозволи за градба со оглед на тоа што дел од објектите не се соодветно опремени со инсталации за противпожарна заштита.
Како општина ќе ги превземеме сите наши надлежности што ги имаме за да провериме во сите индустриски капацитети, јавни објекти за кои постои ризик од појавување на пожар со вакви размери во иднина, за да видиме дали ги исполнуваат условите. Затоа што знаеме дека и за време на првиот пожар што се појави кај фабриката Пофикс, после одредено време откако изби пожарот таму пронајдовме хидранти. Треба да се направи една сериозна студија за сите капацитети дали имаат ххидранти, дали ги исполнуваат за безбедност, и ако не ќе поднесеме барање до сите институции за да ги преземат соодветните мерки, изјави Касами.