Отпадот од пред влезот на Интерните клиники во скопскиот клинички центар „Мајка Терза“ рано утрово беше расчистен по вчерашната објава на ТВ Телма за хаосот веднаш спроти хелиодромот.
Од фотографиите кои беа доставени до ТВ Телма, можеше да се види дека медицинска опрема беше расфрлана заштитна медицинска опрема која се користеше за време на пандемијата, како маски, ракавици, калјачи и мантили. На една од кутиите стои знак „rescEU“ што упатува дека станува збор за непотрошени количини на заштитна медицинска опрема добиена како донација од ЕУ за време на пандемијата.
На кутијата има, исто така, налепница со симболот, логото н ДЗС, Дирекцијата за заштита и спасување. За време на пандемијата трошеше големи суми на пари за набавка на еднократна медицинска опрема, но, исто така, добиваше и донации кои според сликите сега се расфрлаат низ Клинички центар.