Министерката за одбрана, Славјанка Петровска информираше дека е реализирана обука на украински војници во Македонија, со што, како што рече, се потврдува нашата заложба за континуирана поддршка кон правото на Украина да се одбрани од руската агресија.
“Се понудивме и веќе ја реализиравме првата обука, првиот тренинг на украински војници кои успешно ја завршија обуката во земјава во објекти, во локации кои се сопственост на Армијата на за што беше донесена соодветна одлука на Влада, а која од безбедносни причини ја соопштуваме откако таа заврши“– истакна министерката Петровска во синоќешното гостување на националниот сервис.
Додаде и дека ваквиот вид на поддршка и преку тренинзи и преку обуки кои се димензионирани согласно побарувањата на украинската страна ќе продолжи и во текот на 2024 година и сè додека за тоа има потреба.
Од министерството информираат дека земјава досега во десет наврати донираше воена и хуманитарна опрема за одбрана на Украина од руската агресија.
