Ново јавно претпријатие ќе се отвора за управување со хидросистемот Ѓавото. Министерката за животна средина Каја Шукова, вели дека е време да се прекине со незаконското управување со хидросистемот, кој во моментов е под министерството, надвор од сите законски прописи.
Хидросистемот изграден за спас на Дојранското Езеро не е во функција веќе година и половина. Министерката Шукова вели дека пред да се пушти хидросистемот повторно ќе мора д асе реконструрира.
Градоначалникот Ангов вели дека хидросистемот е од витално значење за целиот регион, за езерото но и за полјоделството.
Нивото на Дојранското Езеро е намалено за повеќе од еден метар. Експертите апелираат дека е важно да се полни езерото бидејќи е потребен дотур на свежа вода и кислород.
Сузана Мицева