По 7 месеци пауза судската служба повторно ќе добие додатоци на плата. Одобрени им се 10 отсто од максимални можни 25 за месец октомври. Ова е одлучено на денешната седница на Судско-буџетски совет.
-Одлука за обезбедување средства за исплата на додатоци на плата за месец октомври 2023 година во висина од 10% за судските службеници и вработените во Судски совет на РСМ;
-Одлука за необезбедување средства за исплата на додатоци на плата за месец октомври 2023 година за членовите на Судски совет на РСМ и судиите.
Од синдикатот на УПОЗ со порака 10 посто додатоци не е решение, туку зголемување на платите за 78 отсто.
Од Независниот синдикат за судска администрација ја поздравуваат одлуката на Судско-буџетскиот совет, но и за нив главен услов е зголемување на платата.
Обвинителската администрација 5 недели е во штрајк со исти барања, враќање на додатоците и 78 отсто од плата. Од преговори со владината работна група кои почнуваат утре и се надеваат дека проблемите кои со години се натрупани во обвинителството конечно ќе се решат. Еден од битните услови за нив е измена на Законот за јавно обвинителска служба.
Револтот на судската и обвинителската служба започна по одлуката на уставен – платите на функцуионерите, меѓу кои и судиите и обивнителите се зголемија за 78 отсто, а ним им беа скратени додатоците на плата.
Елена Ивановска Мукоска