Најголемата опозициска партија во изминатите три години одбивање било што доаѓа од Софија, а кој во еден момент не значеше дека мора комплетно да ја прифатите нашата историја наратива. Второ, опозицијата во своите меѓународни настапи во Брисел, во ЕПП каде што се членки, никогаш не излегуваше во рамки на таа моќна групација како да се реши овој проблем, ниту бараше поддршка контра партијата на Бојко Борисов кој, исто така, е член на таа група, истакна претседателот Стево Пендаровски во вечерашното издание „Вин-Вин“ на Телма ТВ.
„Значи, таму не се залагаа за нешто поинакво, полесно, за кое можеме да се договориме за некаков компромис, ниту овде во Скопје, според она што го знам од претходниот и сегашниот премиер, праќаа сигнали дека се подготвени да прифатат. Ова е минималистички пакет. Ако земеме во предвид што имавме предложено од Бугарија во Брисел пред три години – јазик и идентитет до 1944/45 и администрација, наместо окупација, и сега доаѓаме само да ги ставиме Бугарите во Устав каде што имаме шест-седум делови од народи и плус пет треба да бидат ставени, станува збор за мал пакет и никаква политичка цена која треба да се плати“, потенцира Пендаровски.
Како што нагласи, според негови извори и контакти, „ВМРО-ДПМНЕ дури ни за тоа не било подготвено да разговара“.
„Таа националистичка наратива, со организација на протестите лани, им носеше политички поени. И тие имаа само една работа во нивниот политички дискурс – наредните парламентарни избори и доаѓање на власт, Нивните лидери не го криеја тоа. Велат „ние ќе размислуваме за промена на уставот и за Бугарите внатре, прв да дојдеме на власт, па за тоа потоа“, рече Пендаровски.
