Локалната самоуправа мора да ги подобри капацитетите за наплата на даноци и прибирање на сопствени приходи, а градоначалниците мора да ги приспособат цените на услугите кон реалните и да се откажат од популистичките мерки. Ова е заклучокот од денешната презентација на ревизијата за тоа како општините ги прибираат сопствените приходи во време на криза или пандемија, која ја спроведоа врхoвни ревизорски институции од Полска, Словачка, Црна Гора, Албанија, Труција и Македонија.
Анализите добиени од истражувањето покажуваат дека во време на пандемија собирањето на изворни приходи на општините, односно даноци и такси се намалил за 15 отсто, а приходите од централната власт се зголемиле за 12 отсто.
Наплата на данокот на имот, кој е клучен во сопствените приходи, е доста низок, општините се потпираат на трансфери и дотации а јавните претпријатија се финансиски слаби. Општините треба да имаат поголеми компетенции и подобра контрола врз сопствените приходи. За професорот Треновски битно е да се прави контрола и мониторинг на квалитетот на услуги, и посочи дека мора да има корекција на економската цена на услугите која датира од минатиот век.
Анализатра на ревизорите покажува дека во општините многу малку се инвестира во капацитети и нивната надградбата, како и во функцииите и испораката на услуги кон граѓаните.
Според експертите и по 18 години од финансиската децентрализација, популизмот на градоначалниците и дотациите наместо прибирањето на данокот на имот, е клучниот проблем во финансиите на општините во државата.
Огнен Чанчаревиќ