Гужвите пред онколошката клиника во Скопје нема да се намалат. Пациентите и натаму ќе чекаат да ја примат терапијата, бидејќи од 2017-та година двојно е зголемен бројот на болни од канцер во земјава.
На Клиниката годинава ќе се урне рекордот во прием и прегледи на нови пациенти. Според статистиката направена во оваа институција, се очекуваат нови 5.000 пациенти, што ќе го зголеми обемот на прегледи и вкупно ќе има над 90.000 прегледи заедно со веќе постоечките пациенти на Онкологија. Ова го тврди директорката д-р Виолета Клисаровска, која објасни дека работат со истиот персонал и во истиот простор, како и пред 2017-та година, кога немало толку многу пациенти.
Клисаровска вели дека има нова современа терапија која го продолжува животот, но бројот на пациенти, за жал се зголемува. Затоа кај нас не може да постои „Мој термин“, затоа што со огромен кванитет, се губи квалитетот, кој и да менаџира во овие услови, вели д-р Клисаровска.
- Затоа кај нас има по стотици пациенти, и невозможно е да се прегледаат во термин, затоа мораат да причекаат, додава Клисаровска.