Според најновите податоци, во разорниот земјотрес во Турција животот го загубија 35.418 лица, а во Сирија најмалку 5.800 луѓе. Речиси 100.000 се повредени.
Земјотресот погоди 13 милиони луѓе, вклучувајќи околу седум милиони деца. Повеќе од 200.000 луѓе учествуваат во потрагата и спасувањето.
Близу 20.000 од повредените се на болничко лекување. Во десет турски провинции, заедно со спасувачките напори, намерно се уриваат оштетените згради, а урнатините се расчистуваат.
Во меѓувреме продолжуваат „чудата“ и десеттиот ден од земјотресот. Турската радио телевизија (ТРТ) утрово јави дека седумдесет и седумгодишната Фатма Гунгор е извлечена од урнатините 212 часа по разорниот земјотрес. Таа беше спасена од Адијаман.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.