Во Израел денеска се одржуваат масовни протести поради плановите на премиерот Бенјамин Нетанјаху да го потчини судството на Владата.
Според весникот Харец, десетици илјади граѓани се собраа пред Кнесетот во Ерусалим, а лидерите на опозициските партии пред протестот порачаа дека станува збор за вонредна состојба и дека нема „да дозволат уништување на државата Израел“.
На протестот се приклучија и православните Евреи, кои пред Ѕидот на плачот рецитираа молитви за благосостојба на Израел.
Покрај тоа, во собраниската комисија на израелскиот Кнесет, опозициските пратеници се обидоа да ја попречат работата и да ја спречат комисијата да го испрати законот на пленарна седница и гласање. Опозиционерите удараа по масите, извикуваа „Срамота“ и „Немаме друга држава“, не дозволувајќи му на претседателот на комисијата, Симча Ротман, да го стави предлогот на гласање.
