По Данела Арсовска, и премиерот Ковачевски крена раце од приватните превозници. Побара да ги ослободат улиците од блокадите за да има дијалог. Превозниците, пак, бараат гаранции за решавање на проблемот. Сè дотогаш автобусите остануваат да бидат паркирани на „Илинденска“.
И додека ВМРО-ДПМНЕ бара одговори дали бугарска фирма ќе го преземе превозот во градот Скопје, сомнежот расте и кај приватните превозници.
Партиите и денеска со меѓусебни препукувања.
„Проблемот е од СДС, тие и можат да го решат, нека почнат со раскинување на договорот за набавка на гориво, а нека завршат со барање оставка од Арсовска“, велат од ВМРО-ДПМНЕ.
„Одговорноста за катастрофата што му се случува на Скопје е единствено во неспособноста на кадрите на ВМРО-ДПМНЕ“, одговорија од СДСМ.
Градот молчи и на прашања на Телма дали и колку приватни превозници се пријавиле на огласот и дали се точни информациите дека бугарска фирма ќе го преземе превозот во градот Скопје.
Симона Петровска