Косовскиот премиер Албин Курти денеска од Приштина порача дека до крајот на неделата ќе поднесе барање за членство на земјата во Европската унија. Ваквата негова изјава доаѓа по нецели 24 часа од најавата на српскиот претседател Александар Вучиќ дека во четврток и официјално ќе се обрати до КФОР за враќање на српските безбедносни сили во Косово, согласно Резолуцијата 1244.
Денеска е четврти ден од барикадите на Косово. Граничните премини Јариње и Брњак се и натаму затворени. На северот на Косово, речиси, ништо не работи – ниту училиштата, ниту угостителските објекти, ниту институциите. Во функција е граничниот премин Мердаре и уште два на југот – кај јужна Митровица и кај Приштина преку кои може да се излезе од Косово.
Ноќеска, околу три часот, се случна силна детонација во Северна Митрова, а напладне беше регистриран и прелет на хеликоптер на КФОР над барикадите кај Рударе кој носел товар што според медиумите бил наменет за припадниците на специјалната единица на Јариње.
Премиерката Ана Брнабиќ ја повика Европската унија да посредува за ослободување на Дејан Пантиќ, поранешен припадник на косовската полиција чие апсење беше причина за поставување на блокади на најмалку пет точки на северот на Косово.
Сашко Димовски