Министерството за надворешни работи со протест до бугарскиот амбасадор Жељаско Радуков, по изјавата на бугарскиот министер за надворшни Георг Георгиев.
Тој бил повикан на разговор во МНР и му било укажано на несоодветноста на ваквиот јавен дискурс од висок функционер на бугарската влада. Министерството за надворешни работи најостро ги осудува навредливите изјави упатени кон премиерот Христијан Мицкоски и институциите на Македонија.
Таквите изјави, во кои се користи недоличен речник и се омаловажуваат претставници на суверена држава, претставуваат директна повреда на основните принципи на меѓународното право и дипломатската комуникација.
Изјавите не придонесуваат за унапредување на добрососедските односи и се во спротивност со духот на конструктивен дијалог и заемно почитување што треба да ја води соработката меѓу двете земји, пишуваат од Македонското министерство за надворешни работи и надворешна трговија и очекуваат официјална Софија да упати извинување.
