Пожари во Чучер Сандево, Прилеп, Македонски брод, Дојран, Крива Паланка и Чашка

До 12:00 часот денеска, 10 јули 2025 година, на територијата на  Македонија регистрирани се вкупно 16 пожари на отворен простор, информира Центарот за управување со кризи. Од нив, осум се активни, пет се ставени под контрола, а три се целосно изгаснати.

Активни пожари (8)

Пожарникарските екипи и другите надлежни служби активно се борат со огнената стихија на следниве локации:

1. Чучер Сандево: Помеѓу селата Блаце и Горњани, на местото викано Рамна Шума, гори шумски пожар.
2. Прилеп: Во село Бешиште, на местото викано Бешишки Рид, приземен пожар во мешана шума.
3. Македонски Брод 1: Помеѓу селата Црешнево и Локвица, зафатени се дабова шума и грмушки.
4. Македонски Брод 2: Во селата Рамне и Ковче, гори ниска вегетација, проширена од фабриката Самоков.
5. Македонски Брод 3: Во село Слатина, гори мешана шума.
6. Чашка: Под Солунска Глава, кај Изворите на Бабуна – Бабина Дупка, се забележува само чад од шумски пожар.
7. Дојран: Во село Николиќ, гори нискостеблеста шума.
8. Крива Паланка: Во село Градец, зафатени се шума и сува трева.

Пет пожари се ставени под контрола и службите работат на нивно целосно изгаснување:

1. Ѓорче Петров: Во село Орман, ниска вегетација и дрво.
2. Гази Баба: Кај Смилковското Езеро, ниска вегетација.
3. Шуто Оризари: Пожар на депонија.
4. Кочани: Кај местото Бабиште, помеѓу селата Јастребник и Полаки, гори шума и сува трева.
5. Делчево: Градска депонија Острец.

Три пожари се целосно изгаснати:

1. Делчево: На местото викано Брежјето, гореа грмушки и сува трева.
2. Желино: Помеѓу селата Ларце и Горна Лешница, изгоре мешана шума.
3. Куманово: Во населбата Средорек, гори ѓубре и сува трева.