Османи ги изнесе Адеми и Бектеши на кафе во Скопска Чаршија

Бујар Османи, потпретседател на ДУИ и поранешен министер за надворешни работи, објави фотографија со својот сопартиец Крешник Бектеши, кој е обвинет за пожарот во дискотеката „Пулс“ во Кочани. Османи напиша дека бил домаќин на Бектеши и Арбер Адеми во скопската чаршија.

Ова е едно од ретките јавни појавувања на Бектеши, откако против него беше поднесено обвинение за трагедијата во дискотеката „Пулс“ што предизвика голема реакција во јавноста. Пожарот во „Пулс“ е тема која сè уште е актуелна во јавноста, а обвинението за Бектеши го отвори прашањето за одговорност и справување со ваквите несреќи.