ЕСМ ја доби потребната гаранција, од утре и официјално ќе стави потпис на новиот заем од 30 милиони евра од ХАЛК Банка. Кредитот е со каматна стапка од 4, 2 проценти. Од компанијата за Телма велат дека се задоволни од висината на каматата. Во Службен весник излезе и државната гаранција со која Министерството за финансии ќе гарантира за заемот. Ако компанијата не може да го враќа, тоа ќе го направи државата.
Се овластува министерот за финансии да склучи договор за издавање на државна гаранција со Халк банка АД Скопје и договор за обезбедување на државната гаранција со Акционерското друштво за производство на електрична енергија, Електрани на Северна Македонија, во државна сопственост, Скопје, со кои ќе се регулираат правата и обврските кои произлегуваат од издадената државна гаранција,- Службен весник
Откако, Министерството за финансии ќе склучи договор со банката, потоа и ЕСМ треба да стави потпис за заемот. Па, имаат рок од 90 дена да кажат кога да им бидат префрлени средствата. Рокот за враќање на кредитот е до 2035 година.
За овој заем пред извесно време информираше и директорот на ЕСМ Узунчев на брифинг со новинарите. Кажа дека парите се потребни за плаќање на доспеани обврски и за ликвидност на компанијата која извесен период е нарушена.
Според, последните податоци на финансии, во првиот квартал годинава ЕСМ има доспеани, а не платени обврски од речиси 60 милиони евра.
Минатата година пак ја заврши со загуба од 123 милиони евра. Лани, зема и кредит од 82 милиони евра од неколку домашни банки.
Но, според новата фискална стратегија планот е 2025, ЕСМ да излезе од минусот и да ја заврши со добивка, во краен случај да биде на позитивна нула. Но, дали ќе успее во тоа допрва ќе се види.
ЕСМ некогаш важеше за една од омилените компании за работа, но сега се бори со финансиски проблеми.
Ирена Чачкова