Основниот суд во Струга го ослободи од обвинение струшкиот градоначалник Рамиз Мерко за набавката на луксузното службено возило „ауди“ А6 и уште три други автомобили. Судијата Јордан Јованов денекса ја соопшти ослободителната пресудата за Мерко.
-Судот не утврди дека Мерко го прекршил законот при набавката на службените автомобили, изјави за Телма адвокатот Игор Петковски, бранител на Мерко.Мерко беше обвинет за злоупотреба на службента положба, поради набавката на четири моторни возила во вкупна вредност од околу 114.000 евра, во време кога општината имала долгови и блокирана жиро сметка.
Обвинението беше поднесено лани во март, а судскиот процес почна во април, траеше нешто повеќе од една година, а беа изведени материјални докази и сослушани повеќе сведоци. Но судот не утврди дека струшкиот градоначалник е виновен за набавката на општинскиот возен парк во 2018 година
Против Рамзи Мерко се поднесени вкупно девет обвиненија, за кои има активни судски постапки. Тој е на црната листа на САД од 2023 поради вмешаност во корупција.
Емилија Мисирлиевски