Фудбалскиот клуб Милан се очекува овие денови и официјално да ја прекине соработката со тренерот Серџо Консеисао и на негово место да го назначи Масимилијано Алегри.
Италијанскиот стратег имал серија преговори со „росонерите“ и прифатил тригодишен договор вреден 5 милиони евра по сезона. За Алегри ова ќе биде кам-бек на „Сан Сиро“, бидејќи го водеше тимот од клупата од 2010 до 2014 година. Потоа тој имаше два мандати како тренер на Јувентус, а од минатото лето е слободен агент.
Алегри со Милан освои титула во 2011 година, а со Јувентус беше пет пати шампион на Серија А.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.