Идната недела ќе има појасна слика за тоа каква цена на струјата ќе плаќаат граѓаните во следните шест месец. ЕВН ХОУМ веќе го објави тендерот на кој ЕСМ треба да достави нова понуда со цена по која би ја продавал својата струја на Универзалниот снабдувач, наменета за домаќинствата и малите потрошувачи.
Сега е 62 евра за мегават час, ова е далеку пониско од производната на ЕСМ. Дали и какви промени ќе има во износот ќе се знае на 4 јуни кога ќе се отвораат понудите.
Она што сега се знае е дека поради вишок на струја и намалените потреби на Универзалниот снабдувач, ЕСМ го оптимизира своето производство, а според информациите успеале и да ја намалат производната цена која надминуваше 100 евра за мегават. Но, сепак се уште е повисока од она цена по која пласира струја за домаќинствата. Останува да се види дали овие параметри ќе бидат доволна за да има надолна корекција. Електрани се уште пресметуваат.
Според, формулата каква ќе биде цената, најмногу завиди од понудата на ЕСМ. Помал удел во формирањето на цената имаат барањата на МЕПСО, Електродистрибуција и МЕМО, кои ги доставуваат до регулаторна. Но, овој пат од таму соопштија дека преносниот систем и дистрибуција своите пресметки нема сега да ги поднесат до РКЕ, туку во ноември.
Познавачите веќе се изјаснија дека не очекуваат да има промени во цената за домаќинствата.
Во јануари, струјата минимално поскапи.