Десетина луѓе се повредени, меѓу кои шест деца, по експлозија и пожар во двокатна станбена зграда во Детроит, Мичиген. Според пожарникарите, експлозијата била пријавена околу 4 часот наутро.
Кога пристигнаа на местото некои од луѓе стоеле на прозорците на зградата „на некој начин подготвени да скокаат“, соопшти пред новинарите комесарот на противпожарните служби Чак Симс.
Тројца од повредените биле во ист стан и се здобиле со критични изгореници. Зградата имала 12 стана, а експлозијата најверојатно се случила на долниот кат.
По гасењето на пожарот со помош на термален дрон се пребаруваше местото за да се провери дали има уште некој преживеан во опожарениот објект. Истражителите работат на утврдување на причините што доветоа до пожарот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.