Не стивнуваат страстите во Истанбул по апсењето на градоначалникот Екрем Имамоглу кој е обвинет е за корупција и за помагање на терористичка групација. Десетици илјади демонстранти веќе четврти ден се на улица во знак на негова поддршка. Иако протестите се воглавно мирни, сепак, во текот на ноќта се уапсени 343 лица.
Поддржувачите на Имамоглу сметаат дека неговото притворање е недемократско и политички мотивирано и се на став дека демократијата во земјата е сериозно загрозена. Актуелниот претседател Реџеп Таип Ердоган го гледа Имамоглу како главен политички ривал, а демонстрантите во него гледаат иден шеф на државата. Но, жителите на Истанбул и демонстрантите од другите градови со помешани реакции за апсењето.
Турското министерство за внатрешни работи предупреди на нулта толеранција за „хаосот и провокациите“. Претседателот Ердоган, пак, ги критикуваше апелите за протести по апсењето на Имамоглу и најави дека државата одлучно ќе одговори на протестите.
Ердоган доминира во турската политика од 2003 година, прво како премиер, а од 2014 година и како претседател. Во тој период ја предводеше неговата Партија на правдата и развојот до изборни победи. Неговите критичарите сметаат дека во последната деценија ја зацврстил својата контрола на штета на турската демократија, давајќи го водењето на државата на лојалисти.
Сашко Димовски