Голем број автобуси со босански регистерски таблички беа забележани денеска како влегуваат во Сремска Митровица. Се претпоставува дека превезувале луѓе на митинг на Српската напредна партија што беше најавен да се одржи во тој град денеска со почеток во 17 часот.
Во исто време колони автомобили се движат во другата насока, кон Крагуевац, каде се одржува студентскиот протест „Да се сретнеме кај Сретење“.
– Исти луѓе. Тие се таму, ние сме тука. Чудно чувство во мојот стомак“, пишува на една од објавите на социјалните медиуми.
Некои одат на студентски протест што се одржува во Крагуевац, додека други се упатени на митинг на Српската напредна партија.
По повод одбележувањето на Денот на државноста, во Сремска Митровица ќе се одржи митинг „Се среќаваме кај Сретење“, на кој ќе говори српскиот претседател Александар Вучиќ, а како што е најавено, со акламација ќе биде усвоена „Народната декларација за Војводина“.
Во Крагуевац денеска на големиот христијански празник се одржува собир наречен „Да се сретнеме кај Сретење“, организиран од студенти од тој град, како и нивни колеги од Белград, Ужице, Горњи Милановац, Чачак, Краљево, Нови Пазар, Нови Сад…
Се надеваме на брза победа и успех на нашите студенти бидејќи она што тие го разбудија во нас е емпатија, љубов, победа за таа правда конечно и уште еднаш да го почувствуваме она што многу генерации не го почувствувале, а тоа е слободата, вели Небојша Иванковиќ, локален жител.
Тука сум да го поддржам овој студентски бунт, кој прерасна во граѓански бунт, и да се борам за владеење на правото и правдата во ова општество, за Србија да стане земја во која животот е достоинствен и кавлитетен, вели Теодора, демонстрант од Белград.
Isti narod
Oni tamo, mi vamo
Cudan osecaj u stomaku pic.twitter.com/2w0XBU5VDP— Milos (@BundaloMilos) February 15, 2025
— larakorft (@larakorft1) February 15, 2025