Илиева во „Топ тема“: Сè почесто гледаме сериозни компликации од несоодветно аплицирање на ботокс и филери

Можеби не е катастрофа, но сè почесто ние лекарите гледаме сериозни компликации кај пациенти кои доаѓаат во нашите ординации, вели докторка Анџелка Илиева, специјалист дерматолог, во вечерашната дебата во „Топ тема“ на ТВ Телма.

„Единаесет пациентки во Бугарија, колку што имаме информации од колегите, од кои три завршиле на респиратор. Станува збор за системска реакција на ботолинов токсин со ботулизам, што ја крена јавноста во Бугарија“, вели Илиева.