Формирањето на новата влада во Бугарија е одлична можност за Македонија, рече амбасадорот на ЕУ,Михалис Рокас, кој денеска го посети Куманово. Најави помош во процесот на проширување, но потенцираше дека во фокусот им се реформите.
-Сега е добар момент, голема можност за напредок во процесот на проширување. Вашиот премиер во декември беше двапати во Брисел, значи веќе има интензивна дипломатска активност. Напоредно со тоа, ние сме фокусирани на спроведување на реформите во вашата земја кои произлегуваат од реформската агенда што неодамна беше усвоена од вашата влада, изјави Михалис Рокас, амбасадор на ЕУ во Македонија
Неговиот домаќин, кумановскиот градоначалник, од чија партија неодамна во Собранието поднесоа Платформа за национално обединување,се надева дека таа ќе биде изгласана пред преговорите, за да се заземе единствена државна позиција.
Вчера, пак, бугарскиот претседател, Румен Радев, во телефонски разговор со со специјалниот претставник на ЕУ за дијалогот Белград-Приштина и Западен Балкан, Мирослав Лајчак, изразил надеж дека македонскиот државен врв наскоро ќе покаже политичка волја за внесување на Бугарите во Уставот.
Далиборка Демјански