Израелскиот претседател Исак Херцог, по постигнувањето на договорот за примирје, изјави дека не постои поважна морална и хумана обврска од тоа да се вратат заробените и да се отпочне со процесот на рехабилитација.
Тој истакна дека договорот ќе донесе моменти на болка и големи предизвици, додавајќи дека ситуацијата не е лесна, туку едно од најтешките предизвици со кои Израел се соочува.
– Разбирам и ги уважувам стравовите што ги носи овој договор, особено после траумата што ја имаме од претходните договори и од нападот на 7 октомври“, изјави Херцог.
Тој ги пофали израелските војници, кои повеќе од година дена се борат на фронтовите, поттикнати од храброст.
Многумина од нив како што рече ги дадоа своите животи следејќи ја оваа света задача.
Херцог нагласи дека, иако имаат многу предизвици, Израел мора да ја искористи оваа можност.