Американското знаме во понеделник ќе биде дигнато на врвот на јарболот на Капитол за инаугурацијата на новиот претседател Доналд Трамп, со што на 24 часа ќе бидат прекинати 30-дневните жалости за смртта на поранешниот прв човек во Белата куќа, Џими Картер.
Со таквата одлука, претседателот на Претставничкиот дом на Конгресот на САД, Мајк Џонсон го уважи одбивањето на Трамп да положи заклетва под знаме на половина копје.
Гувернерите на Алабама, на Тенеси и на Тексас најавија дека знамињата во нивните држави на 21 јануари повторно ќе бидат спуштени на половина копје, во знак на жалост за Картер.
По наредба на Џо Бајден, американските знамиња се спуштени на половина копје на 30 дена на зградите на федералната влада и на амбасадите и другите објекти на САД во странство, вклучувајќи ги и воените, како и на бродовите.
Жалоста во САД за смртта на Картер треба да трае до 28 јануари, период што ги опфаќа инаугурацијата и првата недела од неговиот втор мандат, но не е исклучена можноста Трамп да ја поништи наредбата на Бајден на 20 јануари, по преземање на претседателската функција.