Илјадници Словаци излегоа на протести против проруската политика на премиерот Роберт Фицо, чија неодамнешна посета на Москва предизвика негативни реакции дома но и кај сојузниците.
Фицо се сретна со рускиот претседател Владимир Путин, потег што многумина го оценија како скандалозен, бидејќи тоа ја става земјата во позиција на сојузник на Путин.
Фицо објасни дека патувањето било реакција на украинската одлука да го прекине транзитот на руски гас за Европа, што според него ќе донесе огромна економска штета на Словачка.
– Русите отворено велат дека Украина не им е доволна и нè нарекуваат непријатели. Значи, ако падне Киев, ние ќе бидеме следни. Ретко кога изборот е толку јасен која страна да ја заземеме. Ако сакаме да им одговориме на нашите деца на прашањето што направивме кога се решаваше судбината на Словачка, Украина и Европа, не смееме да молчиме. Фицо со своето скандалозно патување во Москва ја прави Словачка сојузник на Путин во очите на светот, изјави пред присутните актерот Иван Тројан.
Од своето враќање на власт, Фицо ја прекина воената помош за Украина, ги критикуваше санкциите на ЕУ против Русија и се противи на влезот на Украина во НАТО алијансата.