Приведени двајца скопјани, полицијата кај нив открила кокаин

Двајца скопјани се лишени од слобода откако кај нив полицијата пронашла и запленила кокаин.

-На 9.01.2025 во 14.40 часот во Скопје, на подрачјето на Центар, полициски службеници од Единицата за интервентна полиција при СВР Скопје ги лишиле од слобода З.Т.(23) и Ф.Т.(26), двајцата од Скопје, затоа што кај нив била пронајден и одземен кокаин, информира денеска Министерството за внатрешни работи.

Единицата за недозволена трговија при СВР Скопје вчера против двете лица поднела кривична пријава по чл.215 од КЗ.

Судија на претходна постапка на Ф.Т. му одредил мерка притвор, а на З.Т. му се изречени мерки на претпазливост.