Новата работна недела со нова циклонска активност и студена воздушна маса од север. Времето
утре ќе биде облачно и студено со врнежи од дожд и снег во пониските места, а на планините
и повисоките места од снег. Врнежите ќе бидат пообилни во западните и крајните источни
делови (над 25 л/м²) каде на планините ќе се зголеми постојната снежната покривка, а помала снежна покривка ќе се формира и во некои од пониските места. Ќе дува умерен до засилен јужен, а во текот на ноќта засилен северен ветер (над 60км/ч).
Во Скопје, облачно и студено со врнежи од дожд, а во повисоките делови од котлината врнежите ќе преминат во снег, особено попладне. Ќе дува умерен југоисточен, а во текот на ноќта повремено засилен северен ветер.
Минималната температура ќе се движи во интервал од -4 до 1°C, а максималната од 1 до 6°C.
Информација од утрово:
Минимална температура (во °C)
-8 Попова Шапка, -7 Маврови Анови, -6 Крушево, -5 Битола, -4 Крива Паланка, Охрид, Прилеп, Претор, -3 Велес, Берово, -2 Скопје-Зајчев Рид, Кавадарци, Струмица, Виница, Тетово, -1 Штип, Демир Капија, 3 Гевгелија.
Наврнат воден талог за изминатите 24 часа до 8 часот (во л/м²)
11 Демир Капија, 9 Кавадарци, 7 Струмица, 5 Берово, 4 Прилеп, 2 Велес, Битола, Виница, 1 Гевгелија, Маврови Анови, Пожаране.
Висина на снежна покривка во 7 часот (во см)
32 Попова Шапка, 29 Маврови Анови, 5 Ѓуриште.
Деталите во Телма МЕТЕО со Ирена Лазарова – Димитровска, во соработка со УХМР!
e-mail: [email protected]
https://www.instagram.com/telmameteo/