Вкупно 33 факултета во Србија се блокирани, јавија српските медиуми. Во Белград, Ниш, Нови Сад и Крагуевац блокирани се вкупно 33 факултети, а студентските протести како лавина се шират и секој ден се се поголеми.
Студентите на факултет низ Србија деноноќно протестираат барајќи одговорност за жртвите од трагедијата во Нови Сад и објавување на комплетната документација за реконструкција на железничката станица.
Протестите започнаа на Факултетот за драмски уметности на 25 ноември, откако студентите и професорите блокираа булевар за време на петнаесетминутниот молк за да им оддадат почит на жртвите во Нови Сад, кога беа нападнати од насилници, кои подоцна беа поврзани со владејачката партија – СНС. По инцидентите студентите ја блокираа зградата на ФДУ и оттогаш меѓу другото бараат и кривично гонење на напаѓачите.
Деканатот на тој факултет ги поддржа своите студенти.
Студентите од тие факултети низ Србија секој петок во 11:52 часот застануваат и молчат по 15 минути, во знак на почит кон жртвите од трагедијата во Нови Сад.
Блокадите на факултите започнаа откако насилници ги нападнаа студентите на Факултетот за драмски уметности со кои сега се солидаризираа нивите колеги. Тие се единствени и во барањата – да се гонат одговорните за падот на настрешницата, како и напаѓачите на студентите, а приведените учесници на протестите да бидат ослободени.