Франција одби да се изјасни дали би го уапсила рускиот претседател Владимир Путин по издавањето на потерницата од страна на Меѓународниот кривичен суд. Молкот доаѓа откако и израелскиот премиер Бенјамин Нетанјаху, доби потерница за воени злосторства.
Францускиот портпарол за надворешни работи, Кристоф Лемоан, изјави дека Франција ја има истата правна позиција за апсење на Путин и Нетанјаху, и дека сите кои извршиле злосторства мора да сносат одговорност за нивните дела.
Сепак, тој нагласи дека прашањето на имунитетот, што е врежано во основачкиот статут на МКС, е „комплексно“, бидејќи земјите понекогаш имаат различни ставови за ова прашање.
Иако Франција е потписничка на статутот на МКС, што ја обврзува да го имплементира неговиот закон, според Лемоан, позицијата за прашањето на имунитетот зависи од земјите-членки и понекогаш може да биде предмет на различни интерпретации.
