Германските власти планираат да го зголемат бројот на депортации на мигранти во други земји членки на Европската унија, со фокус на Хрватска.
Според регулативата Даблин III, која ги уредува депортациите внатре во ЕУ, земјата во која мигрантот првично влегол на територијата на Унијата е одговорна за неговото азилно барање.
Оваа регулатива предвидува дека Германија ќе депортира околу 16.000 мигранти во Хрватска.
Првите депортации веќе се реализирани, како што беше случај со група мигранти на лет од Минхен до Загреб, меѓу кои и лица од Сирија, Авганистан, Турција, Јордан и Иран.
Исто така, и неколку државјани на Македонија биле депортирани поради нерегулиран престој во Германија.
Во меѓувреме, Италија се противи на прифаќањето на депортирани мигранти, на што ќе се спротивставува сè додека новиот пакт за миграција и азил на ЕУ не стапи на сила во 2026 година.