Русија ја казни платформата за социјални медиуми Телеграм со седум милиони рубљи што е околу 64.000 евра поради кршење на рускиот закон, дозволувајќи пристап до забранени содржини. Овој локален судски случај е дел од проширената кампања на Русија против странските социјални платформи.
Слични казни беа изречени и за други компании како Епл, Гугл, Тикток и Фејсбук, кои не ги отстраниле содржините што Москва ги смета за нелегални. Во 2021 година, Фејсбук беше казнет со 220.000 евра за слични прекршоци.
Основачот на Телеграм, Павел Дуров, беше уапсен во Франција во август 2024 година, поради наводни злоупотреби на неговата платформа, вклучувајќи измама, трговија со дрога и детска порнографија, за што беше започната официјална истрага.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.