Тасевска во „Топ тема“: Потрошувачите се незадоволни со „есенската кошничка“, мерката траеше многу краток рок

Потрошувачите не се задоволни со „есенската потрошувачка кошничка“. Иако секоја мерка е добра, таа не е доволна, рече Татјана Тасевска од Организација на потрошувачи во вечерашната „Топ тема“ на ТВ Телма.

„Граѓаните и натаму се жалат дека производите кои што беа со намалени маржи, многу често не можеа да се најдат во маркетите, дека останатите производи беа со покачени цени на сметка, на некој начин, на оние кои што беа со намалени цени. И сметаат дека оваа мерка, барем за потрошувачите, не ги даде посакуваните резултати. Сметаме дека многу кратко трае. Месец дена е, сепак, краток рок“, вели Тасевска.