На маргините на самитот на Европската политичка заедница во Будимпешта премиерот Мицкоски оствари продуктивна средба со Францускиот претседател Емануeл Макрон. „Отворено разговаравме за одблокирање на патот на Македонија кон Европската Унија. Оптимист сум за нашата иднина, се бориме за нашите аргументи и вистината која е незаобиколива. Ќе дадеме се од себе да ги зачуваме државните и националните интереси“, напиша Мицкоски на Фејсбук.
Нема објава дали можеби имало и средба со бугарскиот претседател, Румен Радев, иако се појавија информации дека домаќинот на Самитот, унгарскиот премиер Виктор Орбан ќе им организира средба на Мицкоски и Радев, а премиерот изјави дека е подготвен за разговори.
Неодамна имаше најави дека Франција и Германија се подготвени да се вклучат во поддршката на разговорите меѓу Македонија и Бугарија, особено по формирањето на новата бугарска влада. Оваа поддршка има за цел да помогне во надминување на отворените прашања меѓу двете држави и да го поттикне напредокот на Македонија на патот кон ЕУ интеграциите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.