Женската кошаркарска репрезентација на Македонија доживеа нов убедлив пораз во квалификациите за Евробаскетот идната година. Денеска во „Кале“ нашите девојки беа декласирани од Украина со 49 поени разлика.
По поразите од Португалија на гости и од Србија на домашен терен минатата година, македонската женска кошаркарска репрезентација денеска не се прослави ниту со Украина во рамки на 3.коло. Во салата „Кале“ во Скопје, избраничките на селекторот Александар Ашаданов загубија со 49-98. Анџелика Митрашиновиќ со 17 поени и Мерит Хемпе со 16 беа најефикасни во нашиот табор. Викторија Балабан со 19 поени најмногу се истакна кај гостинките.
Во недела повторно играме на домашен паркет и ја пречекуваме Португалија во рамки на 4.коло од групата Г.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.