Во Куманово се одржа работилница против врсничко насилство, наменета за родители. На работилницата за родители за стручниот аспект зборуваше психолог, кој долги години работи со проблемот со булингот, а актерот Сашко Коцев е водител на овие настани.
На работилницата се споделуваат знаења за врсничкото насилство, се води дискусија. Оваа едукативна средба ја овозможи „Макпетрол“, во рамки на општествено-одговорната кампања „Крени глас против врсничко насилство“.
Во повеќе од 150 училишта во 26 општини „Макпетрол“ преку кампањата „Стоп за булинг“ овозможи работилници за ученици, а сега организира едукативни средби наменети за родители. Компанијата потпиша меморандуми за соработка со повеќе општини низ Македонија.
Кампањата „Крени глас против врсничко насилство“ овозможува поддршка на децата и на младите, кои и понатаму ќе бидат во фокусот на компанијата.
