Фудбалерите на Вардар го забележаа четвртиот пораз во шампионатот, а втор последователен на домашен терен. Овој пат на арената Тодор Проески, Силекс славеше со 1:0.
Во натпревар кој некогаш беше големо дерби на македонскиот фудбал, Вардар и Силекс одиграа потпросечен натпревар кој беше решен во четвртата минута од судиското надополнување кога Дарко Додев го совлада домашниот чувар на мрежата.
Погодокот на Кратовци предизвика многу контроверзи. Прво судијата Димитар Пилешков ја прифати сугестијата на помошникот Ристо Ѓорѓиев кој сигнализираше офсајд, но по разговорот меѓу двајцата арбитри на крајот голот беше признат и Силекс стигна до трите бода.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.